எமது அசல் பிரசவ நிறுவனத்தின் அடிப்படைக் கொள்கைகளில் ஒன்று, நாம் செய்யும் எந்த முயற்சியிலிருந்தும் கற்றுக்கொள்வது தான். அசல் பிரசவ ஆன்லைன் பயிற்சிப் பட்டறையின் உருவாக்கத்தின் போது நாங்கள் பின்வரும் படிமுறைகளைச் சேர்த்துள்ளோம்:

• ஆராய்ச்சி – கர்ப்பிணிப் பெண்கள், மருத்துவச்சிகள் மற்றும் சுகாதார நிபுணர்களிடம் நாம் கதைத்தோம். மகப்பேறு சேவைகளில் இருந்து பிரசவத்திற்கு முந்தைய கல்வி அனுபவங்களைப் பற்றி முடிந்தவரை தகவல்களைப் பெற எழுத்து மற்றும் பேச்சு மூலமான ஆய்வுகளை நடத்தினோம். நாம் எமது பிரசவத்திற்கு முந்தைய பாடநெறி அமர்வுகளை சரிபார்த்து, கருத்துக்களை திரட்டி, பிரசவத்திற்கு முந்தைய கல்வியை கற்பிக்க நாம் பயன்படுத்திய முறைகள் அவர்களின் பிரசவத்திற்கு பயனுள்ளதாக அமையுமா என்பதைப் பார்க்க, பிரசவத்திற்குப் பிறகு பெண்களுடன் தொடர்ந்தும் பேசினோம். பண்பறி ஆராய்ச்சி மற்றும் பிரசவ பாடநெறி அமர்வுகளை எவ்வாறு உருவாக்குவது மற்றும் தற்போது கலந்துரையாடி இருப்பதை விட அதிகமான கர்ப்பிணிப் பெண்கள் மற்றும் அவர்களின் பிரசவ துணைவர்களை எவ்வாறு கலந்துரையாடுவது என்பது பற்றிய கருத்து மற்றும் கண்டுபிடிப்புகளின் அடிப்படையைக் கொண்டு உருவாக்கப்பட்ட யோசனைகளை பயன்படுத்தி எமது அமர்வுகளை மதிப்பீடு செய்துள்ளோம். பிரசவத்திற்கு முந்தைய மற்றும் பிந்தைய காலங்களில் நாம் வழங்கிய அது குறித்த தகவல்களின் செயல்திறனை மதிப்பிடுவதற்கு, எமது பிரசவத்திற்கு முந்தைய கல்வியின் குவன்டிடெடிவ் ஆதாரங்களை சேகரித்தோம்.

• ஒரு யோசனையை உருவாக்கினோம் – பல இனங்கள், புவியியல் மற்றும் பொருளாதார பின்னணியில் முடிந்தவரை பல கர்ப்பிணிப் பெண்களோடு கலந்துரையாட விரும்பினோம். அத்தோடு, அசல் பிரசவ நிறுவனத்தின் நெறிமுறைகளை உள்ளடக்கிய ஆன்லைன் பன்மொழியைக் கொண்ட ஒன்றை உருவாக்குவதற்கான வழிகளைப் பற்றி சிந்திக்கத் தொடங்கினோம்.

• முன்னுரிமை – எமது அசல் பிரசவ திட்டத்தை ஆன்லைன் பயிற்சிப் பட்டறையாக் கொண்டு, கர்ப்பிணிப் பெண்களின் பிசரவத்திற்கு திட்டமிடும் போது அவர்களின் தேவைகளுக்கு முன்னுரிமை அளிக்கும் பல்வேறு முறைகளைப் கவனத்தில் எடுத்துள்ளோம்.

• வடிவமைப்பு – நாம் இத்துறையில் முன்மாதிரிமிக்கவர்களாக மாறும் வரை எமது யோசனைகளை செயல்வடிவமாக மாற்றுவதற்கு கலந்துரையாடினோம். பல்வேறு மொழிகள், புவியியல் மற்றும் சமூகப் பின்னணியைக் கொண்ட தன்னார்வப் பயனர்களிடம் இக் கருத்துகளை நாம் சோதித்துப் பார்த்து, இவைகளை எவ்வாறு பயன்படுத்தினார்கள் என்பதைக் கண்காணித்து, அவர்களின் கருத்தைப் பதிவு செய்தோம்.

• உருவாக்கம் – ஆன்லைன் நிரல் PHP, HTML மற்றும் CSS குறியீட்டைப் பயன்படுத்தி உருவாக்கப்பட்டுள்ளது. அசல் கட்டமைப்பு உருவாக்கப்பட்டவுடன், குறிப்பிட்ட பிரசவத்திற்கு முந்தைய கல்வி உள்ளடக்கம், வீடியோ டுடோரியல்கள் மற்றும் பயனர் தொடர்புகளை செயல்படுத்தும் 'மருத்துவச்சியிடம் விசாரியுங்கள்' அம்சம் சேர்க்கப்பட்டது.

• சோதித்து கற்றுக்கொள் – இத் திட்டத்தில் ஈடுபட்டுள்ள டெவலப்பர்கள் அசல் பிரசவத் திட்டத்தை கைமுறையாக சரிபார்த்துள்ளார்கள். இத்திட்டம் மற்றும் கடைசி பயனரின் குறிப்பிட்ட தேவைகள் பூர்த்தியாகி உள்ளதா என்பதை உறுதிப்படுத்த இது சக மதிப்பாய்வு செய்யப்பட்டது. ஆன்லைன் திட்டத்தின் உள்ளடக்கம் மற்றும் செயல்பாடுகளை மதிப்பாய்வு செய்ய உள்ளூரைச் சேர்ந்த தன்னார்வ கர்ப்பிணிப் பரிசோதகர்களிடம் நாம் வேண்டிக் கொண்டோம். அவர்களின் பொருத்தமான கருத்துகள் மற்றும் பரிந்துரைகள், இப் பாடநெறியின் இறுதிப் பதிப்பில் ஒருங்கிணைக்கப்பட்டன. பொருத்தமான மாற்றங்களை செயல்படுத்தும் பயனர்களின் கருத்துக்களை நாம் தொடர்ந்து கண்காணித்து, ஒவ்வொரு ஆறு மாதங்களிலும் அனைத்து மொழிகளிலும் இப் பாடநெறியை மதிப்பாய்வு செய்து, ஆண்டுதோறும் பட்டறைக்கு ஆப்டைட்களை செய்கிறோம்.

கில் ஹொட்டன் - ஆலோசக மருத்துவச்சி லிவர்பூல் பெண்கள் லிவர்பூல் மகளிர் மருத்துவமனையில் ஆண்டுக்கு சராசரியாக 8,000 குழந்தைகள் பிறக்கின்றன. அத்தோடு, பல்வேறு சமூகங்களின் தேவைகள் மற்றும் முன்னுரிமைகளை கொடுத்து, பரந்த பகுதியை உள்ளடக்குகின்றது. பல காரணங்களுக்காக இச் சமூகத்தைச் சேர்ந்த கர்ப்பிணிப் பெண்களோடு கலந்துரையாடுவது எப்போதுமே சவாலாகவே இருந்து வருகின்றது. இச் சவால்களைப் பற்றி அறிந்திருந்தாலும், எங்களின் தற்போதைய கல்வித் திட்டத்துடன் ஒத்துப்போகும் வகையில் அவற்றை எதிர்கொள்ளும் திறன் எங்களிடம் இருந்ததில்லை. அசல் பிரசவ நிறுவனத்தைச் சேர்ந்த ஸோ ரைட் அவர்களின் புதுமையான பன்மொழி ஆன்லைன் பயிற்சிப் பட்டறையின் விவரங்களுடன் என்னை அணுகியபோது, லிவர்பூல் பெண்களின் தற்போதைய மகப்பேறு சேவைக்கு இதுபோன்ற திட்டம் கொண்டு வரக்கூடிய பலன்களை உடனடியாகக் ஊகிக்க முடிந்தது. இப்பாடநெறி நன்கு ஆய்வு செய்யப்பட்டு, ஆதாரங்களை அடிப்படையாகக் கொண்டு, எவரும் எளிதில் புரிந்து கொள்ளும் வகையில் எழுதப்பட்டதாக நான் பார்க்கின்றேன். மிக முக்கியமாக இந்த நாட்களில் கணினி, டேப்லெட் மற்றும் தொலைபேசி மூலம் பாவித்துக் கொள்ளலாம். கிராபிக்ஸ் மற்றும் வீடியோ கிளிப்புகள் தகவலை கொடுப்பதோடு, உண்மையில் அவை இப்பாடநெறியை இன்னும் மெருகூட்டுகின்றன. சிலநேரம் கலாச்சார ரீதியாகவும் அவை பயன்மிக்கது. பிரசவத்தின் உடலியல் பற்றிய புரிதலை அனைத்து பெண்களுக்கும் வழங்குகின்றன. தற்போதுள்ள எங்களுடைய பிரசவத்திற்கு முந்தைய கல்வி மாதிரியைப் பயன்படுத்தி நம்மால் முடிந்ததை விட அதிகமான பெண்களைச் சென்றடையும் திறனை இந்தத் திட்டம் கொண்டுள்ளது. அத்தோடு, இது வரவிருக்கும் நான்கு மொழிகளில் ஏற்கனவே வடிவமைக்கப்பட்டுள்ளது. இப்போது பெரும்பான்மையான பெண்களுக்கு ஒரு புரிதல் மற்றும் பிரசவத்தைத் தொடங்குவதற்கு முன் செய்யக்கூடிய நேர்மறையான தேர்வுகளை எம்மால் கொடுக்க இயலுமாக உள்ளது. சோதனைத் திட்டத்தில் பங்கேற்பதன் மூலம் LINK மற்றும் Midwiferyå குழுக்களுக்கு இவ் வளத்தை எமது உள்ளூர் பெண்களுக்கு அவர்களின் வழமைப் போல் வழங்குவதற்கான சாத்தியக்கூறுகளை மதிப்பிடுவதற்கான வாய்ப்பை வழங்கியுள்ளன. இதுவரையிலான முடிவுகள் திருப்தியளிக்கின்றன. சோதனையில் பங்கேற்பவர்கள், பாடநெறியின் முடிவில் வைத்துள்ள அநாமதேய ஆன்லைன் சார்வேயை முடிக்குமாறு கேட்டுக் கொள்ளப்படுவார்கள். எனவே மறைந்திருக்கும் கட்ட சேர்க்கைகள், பிரசவத்தில் வலி நிவாரணி பயன்பாடு மற்றும் நேர்மறையான பிரசவ அனுபவத்திற்கு இந்த திட்டம் பங்களித்ததா என்பதை நாங்கள் கண்காணிக்க முடியும். நோயாளி பராமரிப்பு, நோயாளி பாதுகாப்பு, சேவையின் தரம், முடிவெடுப்பது மற்றும் செலவு சேமிப்பு ஆகியவற்றில் இத் திட்டம் என்ன தாக்கத்தை ஏற்படுத்தியது என்பதைப் பார்க்க இத் தகவல் மதிப்பீடு செய்யப்படும்.